Клуб “Жэўжык” – гэта пляцоўка, на якой мы прыдумляем і ажыццяўляем нашы ідэі.
Галоўная мэта нашага праекта, клуб для дзяцей “Жэўжык”, заключаецца ў павышэнні зацікаўленасці дзяцей беларускай мовай, культурай, гісторыяй. Многія дзеці нарадзіліся за мяжой і ніколі не сустракаліся з нашай мовай. Мы ставім сваёй задачай падтрымліваць і распаўсюджваць навучанне беларускай мовай сярод беларусаў, якія жывуць за мяжой, так і ў Беларусі.
Працуем з сакавіка 2019 году. За першыя 10 месяцаў нашага існавання мы выдалі 5 электронных нумароў альманаха, якія вы можаце спампаваць ТУТ. Пасля з’явіліся два друкаваныя альманахі (Родная мова і Музычныя інструменты) і адзін друкаваны спецвыпуск (Зімовы сшытак). Працуем над наступнымі нумарамі.
Адметнасць альманахаў у тым, што кожны яго выпуск тэматычны, прысвечаны адной тэме, якая раскрываецца ў беларускім святле. Усе забаўкі і тэксты аўтарскія.
З 2021 году дзейнічае наша анлайн-школка, якая з’явілася на запыт бацькоў, якія выхоўваюць альбо вырашылі выхоўваць дзяцей на роднай беларускай мове. Заняткі праходзяць выключна па-беларуску, ніякіх перакладаў на іншыя мовы. Любое слова тлумачыцца па-беларуску. Вывучэнне роднай беларускай мовы – гэта не толькі традыцыйныя заняткі па падручніках. Мы стараемся стварыць такі фармат, пры якім вучыцца могуць дзеці з рознымі запытамі і ў рамках розных адукацыйных праектаў.
Пачынаючы з 2022 году праводзім сямейныя летнікі на Падляшшы. Сямейны летнік дае магчымасць дзецям трапіць у беларускае асяроддзе, адчуць беларускія традыцыі. Мова — гэта сродак камунікацыі для чалавека, і калі камунікацыя цікавая, то ў дзяцей з’яўляецца стымул размаўляць па-беларуску, пісаць, чытаць.
Далучайцеся да нас!